Марказий Осиёда илк бор виртуал бошловчи телевидение эфирида тирик одамни алмаштиради. Қозоғистоннинг Atameken Business телеканалида янгиликлар дастурларидан бирини виртуал сухандон олиб борди. Бу ҳақда Spot хабар берди.
i-Sanj голограммаси қозоғистонлик актёр Санжар Мади образида гавдаланади, у ҳар куни иқтисодий янгиликлар блокини олиб боради.
Лойиҳа устида меҳнат қилган жамоа аъзоларининг айтишича, янгиликларнинг ўзига хос мазмуни технологик персонажлар хилма-хиллигини таъминлайди. Лойиҳанинг қизиқарли жиҳати ҳам шунда — интелектуал контент ва янги технологиялар уйғунлашади.
Кибер-бошловчининг яратувчиларининг сўзларига кўра, бу i-Sanj’нинг тезкор ва хатосиз янгиликлардан хабардор қилиш тизими сари қўйилган қадамлардан бири. У таътилга чиқмайди, маош олмайди, гримм қилинмайди ва 24 соат давомида ишлашга тайёр.
Бироқ телеканал продюсери телевидениеда ҳам кино ва театр санъатидаги каби драматургия муҳим аҳамиятга эга экани, виртуал қурилмалар жонли муаллифлик кўрсатувларини тўлиқ алмаштира олмайди, деган фикрда. Лойиҳа маҳаллий дастурчиларнинг нейрон тармоғи орқали амалга оширилган.
Дунёдаги биринчи виртуал телебошловчи 2018 йилда Хитойда синовдан ўтказилган ва иш бошлаган.
Изоҳ (0)