Коронавирус тарқалиши сабабли Россия смартфонлар бозорида нархларнинг ошиши кузатилмоқда, аммо қурилмалар тақчиллиги қайд этилмаган. Бу ҳақда «Известия» хабар берди.
Мутахассисларнинг фикрига кўра, биринчи навбатда, нархларнинг ўсиши Хитой ишлаб чиқарувчиларининг маҳсулотларига тегишли бўлиб, бунга Хитойда ишлаб чиқариш заводларининг ёпилишига бевосита сабаб бўлмоқда. Февраль ойида Россияда деярли барча Хитой смартфонлари учун акциялар ва чегирмалар якунланди, уларнинг нархи амалда 10—20 фоизга ошди. Таҳлилчиларнинг фикрича, Хитой фабрикаларида ишлаб чиқаришнинг тўхташи ҳар ҳафтада қуриламалар нархларининг 1,5—3 фоизга ўсишига олиб келади.
Қайд этилишича, Apple ва Samsung маҳсулотларининг нархи ўсиши камроқ бўлади. Samsung’нинг ишлаб чиқариш заводлари Жанубий Корея, Вьетнам ва Венгрия давлатларида жойлашган бўлиб, Apple компанияси Янги йил олдидан одатдагидан бир ярим баравар кўпроқ қурилма жўнатган.
Таъкидланишича, iPhone’нинг нархлари ҳали кўтарилишни бошламаган, чунки ушбу моделдаги смартфонларга талаб ошиши одатда кузда кузатилади.
17 февраль, душанба куни, Apple коронавирус тарқалишининг олдини олиш учун бутун дунё бўйлаб iPhone етказиб беришни чеклаётганини эълон қилди. Компаниянинг таъкидлашича, жорий чоракда унинг даромади мутахассислар кутганидан паст бўлади.
Мавзуга доир: Apple коронавирус сабабли Хитойдаги дўконларини ёпди
Январь ойи охирида смартфон ишлаб чиқарувчиларнинг ҳамкорлари Хитой компаниялари коронавирус сабабли гаджетларни етказиб беришни кечиктирганлигини маълум қилган. Хусусан, Huawei, Xiaomi, Vivo, Realme, ZTE ва Lenovo маҳсулотлари Россия ҳудудига киришни тўхтатган.
Мавзуга доир: Apple, Huawei, Xiaomi ва Lenovo коронавирус туфайли Россияга смартфонлар етказилишини кечиктирди
Изоҳ (0)