Ўзбекистон божхона ходимлари томонидан ўқотар қуроллар ва уларни ҳаракатга келтирувчи турли механизмларнинг мамлакат ҳудудига олиб кирилишига қарши олиб борилган тадбирда яширинчи равишда олиб кирилаётган гилзалар фош этилди. Бу ҳақда Ўзбекистон Давлат божхона қўмитаси хабар берди.
Маълум қилинишича, «Даут-ота» чегара божхона пости ходимлари томонидан қўшни давлатдан Ўзбекистонга кириб келган фуқаро М.Д.га тегишли Lada Largus русумли автотранспорт воситаси тегишли тартибда холислар иштирокида божхона назоратидан ўтказилган.
Натижада ушбу шахс автотранспорт воситасида ҳеч қандай ҳужжатлари бўлмаган, йўловчи божхона декларациясида ёзиб кўрсатилмаган 12 миллиметр калибрли ўқотар қуроллар учун мўлжалланган жами 337 дона гилза ҳамда 15 килограмм дробни ноқонуний равишда Ўзбекистон ҳудудига олиб кирмоқчи бўлганлиги аниқланди.
Ҳолат юзасидан божхона органлари томонидан суриштирув ҳаракатлари давом эттирилмоқда.
Изоҳ (0)