26 февраль, чоршанба куни дунёнинг турли бурчакларида олинган энг қизиқарли суратлар жамланмасини тақдим этамиз.
Ухандаги шифохонада ҳимоя костюмларини кияётган тиббиёт ходимлари. Фото: Reuters
Мусулмонларни камситувчи қонун сабаб Ҳиндистон пойтахтидаги тўқнашувлар оқибатида 20 дан ортиқ одам ҳалок бўлди, 200 га яқин одам жабрланди. Фото: AP Photo
Уруш туфайли уйидан кўчирилган суриялик болакай қўй билан ўйнамоқда. Фото: Reuters
Гвардиячилар Фельдмаршал Муҳаммад Ҳуссайн Тантави масжидида Миср собиқ президенти Ҳусни Муборакнинг дафн маросими бошланишини кутмоқда. Фото: Reuters
Миср собиқ президенти Ҳусни Муборакнинг тобутини кўтариб кетаётган аскарлар. Собиқ президент 25 февраль куни 91 ёшида вафот этди. Фото: Reuters
Ухандан эвакуация қилинган малайзиялик аёл ва унинг болалари Куала-Лумпур аэропортида. Фото: AP Photo
Британиянинг Шеффилд шаҳрида марҳум қўшиқчи Уитни Хьюстоннинг голограммаси солистлик қилувчи концертнинг якуний репетицияси ўтказилди. Хьюстон 2012 йилда тасодифан чўкиш оқибатида вафот этганди. Фото: «ТАСС»
Непалда тибет календари бўйича Янги йилни нишонлаш давом этмоқда. Фото: EPA
Тўйиб овқат емаслик сабабли териси суягига ёпишиб кетган яманлик бола Сано шаҳридаги шифохонада даволанмоқда. Фото: Getty Images
Хубэйда коронавирус авж олгач, кўп қаватли уйда яшовчи аёл жамоатчилик ишчилари томонидан олиб келинган озиқ-овқат маҳсулотларини арқон ёрдамида тортиб олмоқда. Фото: Reuters
Ҳиндистонда фуқаролик бўйича янги қонун тарафдорлари ва унга қаршилар ўртасидаги тўқнашув бўлган кўчадаги эркак. Фото: AFP
Португалиянинг Лореш шаҳридаги карнавал. Фото: EPA
Эрон пойтахти Теҳронда жамоат автобуси коронавирусдан дезинфекция қилинмоқда. Фото: AP Photo
Миср собиқ президенти Ҳусни Муборакнинг дафн маросимидаги аёллар. Фото: Reuters
Тенерифедаги H10 Costa Adeje Palace меҳмонхонасида яшаётган юзлаб туристлар коронавирусга қарши текширилмоқда. Италиялик туристда коронавирус аниқлангач, отель изоляция қилинган. Фото: AP Photo
Венесуэладаги карнавал доирасидаги сайилда қизларга сув сепаётган ўғил болалар. Фото: Reuters
Уханда ёпилган автовокзалдаги автобуслар. Фото: Reuters
Ҳиндистон пойтахтида фуқаролик тўғрисидаги қонун туфайли юз берган тўқнашувлар ҳудудидаги ўт ўчирувчи. Фото: Reuters
Британиянинг Дарем графлигида кўмир шахтаси кенгайтирилишига қарши акция ўтказган Extinction Rebellion экологик ҳаракати аъзолари Брэдли конига олиб борувчи йўлни тўсиб қўйди. Фото: Getty Images
Грециянинг Лесбос оролида намойишчиларга қарши тўқнашувларда ёнаётган полициячи. Намойишчилар оролда мигрантлар учун лагер қурилишига норозилик билдирмоқда. Фото: Getty Images
Тиббиёт ускуналари билан савдо қилувчи Лондондаги дўкон тиббий ниқоблар сотилаётгани ҳақида катта эълон ёпиштириб қўйди. Фото: Reuters
Аввалги кунларнинг фотогалереялари:
Изоҳ (0)