24-fevral, dushanba kuni, Hindiston poytaxtida fuqarolik bo‘yicha yangi qonun tufayli sodir bo‘lgan to‘qnashuvlarda yetti kishi halok bo‘ldi, 150 dan ortiq odam jarohatlandi. Hodisa oqibatida halok bo‘lganlar orasida bir nafar politsiyachi ham bor. Bu haqda Reuters agentligi xabar bermoqda.

Qonunga kiritilgan tuzatishlarni qo‘llab-quvvatlovchilar musulmon erkakni kaltaklamoqda.

Foto: Reuters

Hindiston parlamenti tomonidan fuqarolik to‘g‘risidagi qonunga kiritilgan tuzatishlarga muvofiq, Afg‘oniston, Pokiston va Bangladesh kabi qo‘shni mamlakatlardan qochib kelgan musulmon bo‘lmagan shaxslar, agar ular o‘z vatanlarida tahqirlashlarga uchrayotgan bo‘lsa, Hindiston fuqaroligini soddalashtirilgan tartibda olishi mumkin.

Ushbu qonun hindistonlik musulmonlarning noroziligiga sabab bo‘ldi — ularning fikricha, so‘nggi tuzatishlar konstitutsiyaga zid, chunki rasman dunyoviy hisoblangan mamlakatda aholining bir qismi diniy e’tiqodidan kelib chiqib kamsitilmoqda. Hindiston shimoli-sharqiy shtatlari aholisi ham qonunga e’tiroz bildirgan — endi ular Bangladeshdan kelgan millionlab odamlar ularning shtatlarida doimiy qolib ketishidan xavotirda. Bu holat norozilik namoyishi ishtirokchilarining fikricha, mahalliy aholi manfaatlariga zid.

Muxolifat vakillarining fikricha, tuzatishlar kiritilgan qonun kamsituvchi mazmunga ega, chunki mamlakat aholisi (1,3 milliard kishi)ning 10 foizdan ko‘prog‘i islom diniga e’tiqod qilayotgan bir vaqtda musulmonlarning fuqarolik olish imkoniyatlarini cheklaydi. Tanqidchilarning ta’kidlashicha, bunday sharoitda diniy e’tiqod fuqarolik olish uchun shartga aylanmasligi lozim.

Qonunga kiritilgan tuzatishlardan keyin uning tarafdorlari va qarshilar o‘rtasida dekabr oyidan buyon to‘qnashuvlar sodir bo‘lmoqda.

Foto: Reuters

Foto: Reuters

Nyu-Delida so‘nggi ikki oyda kuzatilgan eng katta to‘qnashuvlardan biri 24-fevral — AQSh prezidenti Donald Tramp Hindistonga tashrif buyurgan kunda sodir bo‘ldi. Bir necha uy va mashinalarga o‘t qo‘yilgan.

Fuqarolik to‘g‘risidagi qonunni qo‘llab-quvvatlovchilar unga qarshilarga tegishli joylarni buzib tashlamoqda.

Foto: Reuters

Foto: Reuters

Qonun tarafdorlari tomonidan kaltaklangan ayolga politsiyachi yordam bermoqda.

Foto: Reuters

Fuqarolik bo‘yicha yangi qonun tarafdori qonunga qarshilar tomon tosh otmoqda.

Foto: Reuters

Kunduzi boshlangan to‘qnashuvlar yarim tungacha davom etgan.

Shikastlangan skuterini to‘qnashuvlar hududidan olib chiqayotgan erkak.

Foto: Reuters

Qonun tarafdori unga qarshilar tomon Molotov kokteylini uloqtirmoqda.

Foto: Reuters

Qonun tarafdorlaridan biri yo‘l o‘rtasidagi to‘siqdan sakrab o‘tmoqda.

Foto: Reuters

Qonun tarafdorlari to‘qnashuvlar vaqtida politsiya barrikadalarini surib tashlamoqda.

Foto: Reuters

Foto: Reuters

Foto: Reuters

Qonunga qarshi uni qo‘llab-quvvatlovchilar va politsiya tomon turli buyumlar uloqtirmoqda.

Foto: Reuters

Foto: Reuters