Шаҳзода Гарри ва унинг рафиқаси Меган Маркл 2020 йил 31 мартдан бошлаб қироллик оиласи аъзоларининг мажбуриятларини бажаришни расман тўхтатади. Уларнинг Букингем саройидаги офиси эса 1 апрель куни ёпилади, деб хабар берди BBC.
Бундан олдин Гарри ва Меган Канададан Буюк Британияга қайтиб келади ва қироллик оила аъзоси сифатида бир қатор тадбирларда иштирок этади.
Таъкидланишича, жуфтлик 31 мартдан сўнг расман ўзларининг «ҳазрати олийлари» мақомини сақлаб қолади, бироқ ундан фойдаланмайди. Улар томонидан «қироллик» сўзининг фойдаланишига оид масала эса ҳозирча муҳокама қилинмоқда.
Эслатиб ўтамиз, Шаҳзода Гарри ва Меган Маркл қироллик оиласи имтиёзларидан воз кечишлари ҳақида 8 январь куни маълум қилганди. Қиролича Елизавета II эса Гарри ва Меганнинг янги ҳаёт бошлаш тўғрисидаги истагини қўллаб-қувватлашини билдирган.
Маълумотларга кўра, Гарри ва Меган қироллик оиласининг юқори мартабали аъзолари мақомидан маҳрум этилгач, уларнинг Британиядаги уйлари — Фрогмор коттежи таъмири учун ажратилган пулларни ҳам ғазнага қайтаришни режалаштирмоқда. Ушбу таъмирлаш ишлари солиқ тўловчилар учун 2,5 миллион фунт стерлингга тушган.
Изоҳ (0)