17 февраль куни Telegram’да олиб борилган «тозалаш ишлари» натижасида мессенжернинг Ўзбекистондаги каналлари яна юз минглаб сохта фойдаланувчиларини йўқотди. Бу ҳақда Uztelegram.com маълумотларида келтирилган.
14—16 февраль кунлари ҳам Ўзбекистондаги Telegram каналларидан 1 миллиондан ортиқ фойдаланувчи чиқиб кетган эди. Шундай қилиб бу каби аккаунтлар сони 4 миллионга етди:
Бу – Telegram’нинг вақти-вақти билан ўтказиб туриладиган, сунъий бот аккаунтларидан кенг кўламли тозалаш ишлари натижаси ҳисобланади.
Бундай рақамли операция бундан аввал 2019 йилнинг июнь ойида ўтказилганди. Ўшанда йўқотилган обуначиларнинг умумий сони биргина Ўзбекистоннинг ўзида 11 кун ичида 12,3 миллионтани ташкил қилган. Бир ой ўтиб эса навбатдаги операцияда 10,1 миллионта аккаунт йўқотилган.
Telegram мессенжерида автоматик равишда турган аккаунт олти ой давомида фойдаланилмаса, ўчиб кетади. Бу вақт ичида фаол бўлмаган аккаунтлардан каналларнинг обуначиларини кўпайтириш учун фойдаланилади. Масалан, бозорда каналга 1000 та «сохта» обуначини қўшиш 100 минг сўм эвазига амалга оширилади.
Изоҳ (0)