17-fevral kuni Telegram’da olib borilgan “tozalash ishlari” natijasida messenjerning O‘zbekistondagi kanallari yana yuz minglab soxta foydalanuvchilarini yo‘qotdi. Bu haqda Uztelegram.com ma’lumotlarida keltirilgan.
14—16-fevral kunlari ham O‘zbekistondagi Telegram kanallaridan 1 milliondan ortiq foydalanuvchi chiqib ketgan edi. Shunday qilib bu kabi akkauntlar soni 4 millionga yetdi:
Bu – Telegram’ning vaqti-vaqti bilan o‘tkazib turiladigan, sun’iy bot akkauntlaridan keng ko‘lamli tozalash ishlari natijasi hisoblanadi.
Bunday raqamli operatsiya bundan avval 2019-yilning iyun oyida o‘tkazilgandi. O‘shanda yo‘qotilgan obunachilarning umumiy soni birgina O‘zbekistonning o‘zida 11 kun ichida 12,3 milliontani tashkil qilgan. Bir oy o‘tib esa navbatdagi operatsiyada 10,1 millionta akkaunt yo‘qotilgan.
Telegram messenjerida avtomatik ravishda turgan akkaunt olti oy davomida foydalanilmasa, o‘chib ketadi. Bu vaqt ichida faol bo‘lmagan akkauntlardan kanallarning obunachilarini ko‘paytirish uchun foydalaniladi. Masalan, bozorda kanalga 1000 ta “soxta” obunachini qo‘shish 100 ming so‘m evaziga amalga oshiriladi.
Izoh (0)