Telegram’нинг 13-фаврал куни тақдим этилган янгиланган версияси орқали профилдаги тасвирлар алмашинуви, медиани тезда кўриш ва «Яқиндаги одамлар» сервиси яхшиланди. Бу ҳақда компания блогида хабар берилди.
Таъкидланишича, ёзишмалардаги умумий медиа ва суҳбатдошнинг профилидаги суратни кўриш имконияти ўзгарди (видео автоматик ёқилмаган бўлса, унинг устига босиш керак).
Бундан ташқари, телефон экранига тегиниш орқали чат ва профиллардаги мултимедиани «варақлаш» мумкин — эндиликда экранда «варақлаш» натижасида доғ қолмайди. Ушбу янги функцияларни «Яқиндаги одамлар» бўлимининг янгиланган версиясида синаб кўрган қулай.
Ўтган йилнинг июнида дастурчилар яқин атрофдаги одамлар билан контакт маълумотларини алмашиш учун мессенжерга «Яқиндаги одамлар» функциясини қўшган эди. Telegram’нинг таъкидлашича, янгиланиш фойдаланувчига янги дўстларни ёки жуфтини топишга ёрдам беради.
Фойдаланувчи ҳудудидаги одамларни кўриш учун «Контактлар» бўлимидаги «Яқин атрофдаги одамларни қидириш» тугмасини босиш керак. «Мени кўрсатиш» функциясини ўчириб қўйиш ҳам мумкин.
Шунингдек, мессенжер 14 февраль куни муносабати билан муносабатларга алоқадор бир нечта эможиларни ҳам тақдим этди.
Изоҳ (0)