Хитойнинг Ухань шаҳридаги вирусология институти 2016 йилдаёқ Американинг Gilead Sciences биотехнологик компанияси томонидан яратилган «Ремдизивир» учун патент олиш учун талабнома киритди. Бу ҳақда «РБК» хабар бермоқда.
South China Morning Post’нинг ёзишича, Хубэй провинциясидаги институтнинг Пекин фармакология ва токсикология институти билан ҳамкорликда эълон қилинган ҳисоботида ушбу дори воситаси ва безгакни даволашда фойдаланиладиган хлорохин бирга қўлланганда коронавирус инфекциясига қарши курашишда самарали эканлиги таъкидланган.
Баёнот муаллифларининг айтишича, уларнинг ҳар иккиси турли касалликларни даволашда ёрдам беради, шу сабабли коронавирусга чалинган беморларни даволашдан улардан оммавий фойдаланиш лозим деб тахмин қилинмоқда.
Gilead компаниясининг ўзида эса «Ремдизивир» аслида ҳали тиббиёт идоралари томонидан тасдиқланмагани ва унинг самарадорлиги ҳали исботланмагани айтилмоқда.
Компаниянинг расмий вакили Мердад Парсининг сўзларига кўра, ўтказилган аввалги синовларда дори назарий жиҳатдан коронавируснинг айрим турларини даволашда ёрдам бериши мумкинлигини кўрсатган. Аммо пневмония белгиларига эга беморларга бериш қанчалик муҳимлигини ҳали ҳам тушуниш керак.
Ўз навбатида Gilead вице-президенти Соня Чой бир неча йилдан бери тадқиқот ўтказиб келаётганига қарамай, компания 3 йил ичида патент олмаганини айтган.
Hogan Lovells компаниясидан бўлган ҳуқуқшунос Эндрю Кобденинг айтишича, агар «Ремдизивир» бош дори билан биргаликда қўлланганда коронавирусни даволашда ёрдам бериши мумкинлиги исботланса, Ухандаги институтнинг патент олиш имконига эга бўлади.
Аввалроқ Хитойнинг етакчи эпидемиологи Ли Ланцзюан бошчилигидаги тадқиқотчилар гуруҳи 2019-nCoV коронавирусга қарши курашда ютуққа эришганини эълон қилганди.
Изоҳ (0)