Хитойнинг Ухань шаҳридаги крематорийлар ишчилари коронавирус сабабли мазкур муассасалар тўлиб кетганлигидан шикоят қилмоқда. Бу ҳақда The Epoch Timeс хабар берди.
Маълум қилинишича, касаллик авж олганлиги сабабли ишчилар касалхоналар ва уйлардан қурбонларнинг жасадларини олиб келишга мажбур бўлмоқда. Улардан бирининг айтишича, январь ойининг охиридан буён у дам олиш кунларисиз ишламоқда.
Таъкидланишича, Уханда бундай ҳажмдаги ишни эплаш учун ишчилар етарли эмас. Ҳар куни жасадларни олиб келиш учун камида 100 та қопдан фойдаланилмоқда.
Хабар берилишича, маҳаллий ҳокимият коронавирусдан вафот этганларнинг жасадларини ёқишга қарор қилган. Шу билан бирга, дафн бюролари ходимлари ҳар доим ҳам жасад коронавирусдан ўлганми ёки бошқа сабабларга кўра, ўлган ёки йўқлигини билмайди, шунинг учун улар вирусдан ҳимояланиш учун ҳимоя костюмлари ва ниқобларини кийишга мажбур бўлмоқда. Шу муносабат билан, ишчилар кўп вақт давомида овқатланмайди, чунки улар ҳимоя воситасидан қайта фойдалана олмайди.
Сўнгги маълумотларга кўра, Хитойда коронавирус сабабли келиб чиққан пневмония билан оғриган беморлар сони 24,5 мингдан ошди, 494 киши вафот этди.
Мавзуга доир: Хитой коронавируси бўйича 5 февралнинг асосий хабарлари
Изоҳ (0)