5 февраль куни маҳаллий вақт билан соат 18:00 да (Тошкент вақти билан 20:00) Истанбул шаҳридаги аэропортга самолётнинг қаттиқ қўниши оқибатида Ўзбекистон фуқароси Б.С. жароҳатланди. Бу ҳақда Ўзбекистоннинг Истанбул шаҳридаги Бош консулхонаси маълумотига асосланиб, ТИВ матбуот хизмати хабар берди.
Ўзбекистон фуқароси «Медикана» клиникасига жойлаштирилган.
Қайд этилишича, бош консулхона вазиятни назоратга олган ва Ўзбекистон фуқаросига ёрдам бериш бўйича чоралар кўрмоқда.
«Консуллик ҳуқуқий департаменти Туркия ҳудудида бўлиб турган фуқароларимиз зарур вазиятларда мамлакатимизнинг Анқара шаҳридаги элчихонасига (тел: +90 312-441-17-46, +90 312-441-38-71/72) ёки Истанбул шаҳридаги Бош консулхонасига (тел.: +90 212-323-20-37, +90 212-229-00-75) мурожаат қилишлари мумкин», — дейилади хабарда.
Маълумот учун, ҳалокатга учраган самолёт Измирдан Истанбулга парвозни амалга оширган. Ичида 182 нафар йўловчи ва 6 нафар экипаж аъзоси бўлган ҳаво кемаси қўниш йўлагидан чиқиб кетиб, тўсиқларни босиб ўтиб, чуқурликка қулаган. Сўнгги маълумотларга кўра, ҳалокат оқибатида уч киши ҳалок бўлган, 179 киши жароҳат олган.
Изоҳ (0)