Туркия шарқидаги Ван вилоятида иккита қор кўчкиси оқибатида камида 28 киши ҳалок бўлди. Бу ҳақда Meduza хабар берди.
Маълум қилинишича, 4 февраль, сешанба куни, сайёҳлар гуруҳи қор кўчкиси остида қолган, натижада беш киши ҳалок бўлган, яна икки киши бедарак йўқолган. Қутқарувчилар ва кўнгиллилар уларни қидириш учун йўлга тушган, улар 5 февраль, чоршанба куни, янги кўчки остида қолган.
Иккинчи қор кўчкиси 23 кишининг умрига зомин бўлди. Улар орасида уч нафар ўт ўчирувчи, саккиз нафар жандармерия офицери, уч нафар қўриқчи ва қидиришда ёрдам берган тўққиз нафар фуқаро бўлган.
Кейинчалик яна 30 киши кўчки остидан қутқариб олинган. Расмийлар қурбонлар сони кўпайиши мумкинлигини маълум қилди, чунки қидирувда қанча кўнгилли иштирок этгани маълум эмас.
Изоҳ (0)