Бугун,

  • USD 11095.31
  • RUB 173.84
  • EUR 10772.44

Бугун, 5 февралда мухлисларга «Тезлик », «Ҳеч қачон алвидо деманг» ва бошқа кўплаб фильмлардаги роли билан таниқли, ҳинд актёри Абхишек Баччан таваллуд топган. Болливуд киноиндустриясида ўзига яраша ўрни бўлган Абхишек 43 ёшга тўлди.

Фото: Google Images

Фото: Google Images

Қуйида фильмографиясидан кўра Амитабх Баччаннинг ўғли ва Айшвария Райнинг турмуш ўртоғи эканига кўпроқ урғу бериладиган актёрнинг биографиясига назар ташлаймиз.

Фото: Google Images

Фото: Google Images

У 1976 йил Мумбайда юлдузли оилада дунёга келган. Швейцариядаги мактабни тамомлагач, Бостон университетининг иқтисодиёт ва бизнес факультетида ўқиган. Таълим олаётган соҳасига қизиқиш бўлмай, ёшлигидан ўсиб-улғайган муҳит — санъатни танлаган.

Фото: Google Images

Фото: Google Images

Университетнинг иккинчи курсида ўқишни ташлаб, келажакда ота-онаси каби актёр бўлишга қарор қилган. Ота-онаси аввалига унинг бу йўлни танлашини ёқламаган, кейинчалик бўлса фарзандлари танловини ҳурмат қилган ҳолда ўз тақдирини мустақил ҳал қилишига қаршилик кўрсатмаган.

Фото: Google Images

Фото: Google Images

2000 йилда суратга олинган «Қочоқ» фильмидаги рол кичик Баччаннинг дебюти бўлган. Шундан кейин бошқа режиссёрлардан кейинги фильмлар учун таклиф кута бошлаган. Бироқ кейинги фильмлар унчалик машҳур бўлмаган. Орадан 3 йил ўтиб суратга олинган «Банти ва Бабли» эса унинг дарҳақиқат, истеъдодли эканига исбот бўлган ҳамда кинотанқидчиларнинг ижобий баҳоларига сабабчи бўлган. Кинотанқидчи Таран Адаршнинг айтишича, Абхишекда актёрга керак бўлган ҳамма жиҳат бор. У истеъдодни, ташқи кўринишни ёки отасининг обрўсини назарда тутадими, бу бизга қоронғу.

Фото: Google Images

Фото: Google Images

Актёрнинг «Тезлик» ва «Ҳеч қачон алвидо деманг» фильмлардаги ижросини, ҳеч иккиланмай, карьерасидаги энг муваффақиятли роллардан, ундан кейингиларини эса у қадар омадли эмас, деса ҳам бўлади. Абхишекнинг журналистларга берган интервьюсига кўра, у энг муваффақиятли ролларни келажакда ижро қилишига ишонади.

 

Фото: Google Images

Фото: Google Images

Абхишек, Раж Капурнинг набираси, актриса Каришма Капурнинг қўлини сўраганига қарамай, муносабатлар тўйгача етиб бормаган, унаштирувнинг ўзи билан чекланган. Бу эса, ўз навбатида, оилалар ўртасидаги дўстлик алоқасининг ёмонлашишига сабаб бўлган. Каришманинг синглиси Карина Капур бу воқеалардан кейин Абхишек билан бир фильмда суратга тушишни истамаган.

Фото: Google Images

Фото: Google Images

Айшвария Райга нисбатан илиқликнинг пайдо бўлиши эса аксари шоу-бизнес вакиллари билан юз берадиган классика, яъни суратга олиш майдончасида бошланган. Табиийки, унга қадар ҳам жуфтлик ўзаро таниш бўлган, лекин у пайтларда икковининг ҳам ҳаётида бошқа-бошқа одамлар бўлган.

Фото: Google Images

Фото: Google Images

Бошланган муносабатлар турмуш қуриш билан янада мустаҳкамланди. Жуфтликнинг никоҳ тўйи 2007 йил 20 апрелда Мумбайда бўлиб ўтган. Улар 2011 йил 16 ноябрда фарзандли бўлган ва унга Аарадхия деб исм қўйган.

Фото: Google Images

Фото: Google Images

Абхишек Баччаннинг фильмографиясида бугунги кунда элликдан ортиқ турли жанрдаги фильмлар бор. Шунингдек, у Filmfare Award мукофотининг 3 карра совриндори ҳисобланади.

Фото: Google Images

Фото: Google Images

Фото: Google Images

Фото: Google Images

Фото: Google Images

Фото: Google Images

Изоҳ
Асосий янгиликлар
Маҳаллий
Ўзбекистонда 26 март куни қандай об-ҳаво кузатилади?
Саломатлик
Филтрланган, қадоқланган ёки қайнатилган: организм учун энг фойдали сув қайси?
Маҳаллий
Wizz Air Тошкент ва Самарқандга парвозлар сонини оширмоқда