«Ўзбеккино» миллий агентлиги матбуот хизмати агентлик ва Самарқанд вилояти ҳокимлиги томонидан ўзбек халқининг буюк сиймоларига бағишланган фильмларни суратга олиш бўйича келишувга эришилганини хабар қилди.
Фильмлардан бири — саҳрода шоҳ Доро бошчилигидаги форс босқинчиларининг катта қисмини донолиги ва жасорати билан енгган сак қабиласига мансуб чўпон Широқ афсонаси асосида суратга олинадиган сериалдир.
Иккинчи тарихий мавзудаги лойиҳа — таниқли маърифатпарвар, жадидлар ҳаракатининг таниқли намояндаларидан бири, атоқли ёзувчи ва драматург Маҳмудхўжа Беҳбудий ҳақида бадиий фильм бўлади.
2020 йил Ўзбекистонда Маҳмудхўжа Беҳбудийнинг 145 йиллиги кенг нишонланади. Фильмни шу йилнинг охиригача Самарқанд вилоятида тасвирга тушириш режалаштирилган.Широқ ҳақидаги телесериални суратга олишда маслаҳатчи сифатида чет эллик режиссёрлар ҳам иштирок этади.
Сериал воқеалари Самарқанд ва қисман Навоий вилоятида суратга олинади. Жумладан, фильм ижодкорлари томонидан Широқнинг душманларни адаштиришига оид саҳналари учун Навоий вилояти ҳудудидаги саҳролар танлаб олинган.
Тарихий телесериал сценарийси ёзувчи ва кинодраматург Назар Эшонқул томонидан ёзилган. Фильмлар режиссёрлари тендер асосида танлаб олиниши режалаштирилган.
Изоҳ (0)