Disney компанияси янги «Сув париси» фильми учун қора танли опа-сингилларни излашни бошлади

Disney компанияси «Сув париси» фильмининг янгича талқинида (ремейк) бош қаҳрамоннинг опа-сингиллари учун қора танли актрисалар излашни бошлади, деб ёзмоқда The DisInsider.

Хабарда студиянинг қайси актрисаларни ушбу роллар учун синовдан ўтказаётганига аниқлик киритилмаган. Материал муаллифи фильмда Зендая, Кеке Пальмер ва Хлоя Бэйли иштирок этиши мумкинлиги ҳақида ёзган. Гугу Эмбата-Ронинг Ариэлнинг онаси ролига тасдиқланиши кутилмоқда.

Ўтган йилнинг ёзида таниқли актриса Ҳолли Бэйлининг «Сув париси» фильмининг ремейкида Ариэль ролини ижро этиши маълум бўлган. Унинг номзоди танланиши айрим томошабинларнинг кескин танқидига учраган. Улар оқ танли персонажни қора танлисига алмаштириш «blackwashing» («whitewashing» атамасининг антоними, яъни оқ танли актёрларнинг кинода этник камчиликни ташкил қилувчи гуруҳлар вакили ролини ижро қилиши) ҳолати эканини таъкидлаган. Disney компанияси ишларининг бошқа мухлислари мифологик персонаж учун тери ранги шунчаки санъатдаги шартлилик эканини қайд этган.

Бэйлининг ўзи лойиҳада иштирок этаётганидан хурсанд. Актриса бунда ҳеч қандай салбий жиҳатни кўрмаётганлигини билдирган.