Жиззах вилоятининг Ғаллаорол туманида эрига пичоқ билан жароҳат етказган аёлга нисбатан суд ҳукми ўқилди, деб хабар берди «Postda.uz».
Қайд этилишича, ушбу жиноят арзимас нарсадан келиб чиққан ўзаро жанжал оқибатида содир этилган. Эр хотинидан чой дамлаб беришни сўраган. Аёл эса эрига гап қайтариб, унинг жаҳлини чиқарган. Эркак чой дамлаш учун ошхонага ўзи йўл олган. Шу пайтда унинг олдидан хотини чиқиб қолади, эркак жаҳл устида уни итариб юборади. Аёл эса бунга жавобан эрининг қорнига пичоқ тиқиб олади.
1984 йилда туғилган эркак дастлаб шифохонада аёлини ҳимоя қилиш учун жароҳати сабабини яширишга уринади, қозиқ устига йиқилиб тушганини айтади. Лекин шифокорлар унинг сўзларига ишонмайди. Чунки эркакнинг қорнидаги жароҳат пичоқ билан етказилгани яққол кўриниб турган эди.
Ҳаммаси ошкор бўлгач, аёлга нисбатан жиноят иши қўзғатилган. Иш судга ошгач, жиноятчининг аёллиги, уч нафар вояга етмаган фарзанди борлиги инобатга олиниб, унга нисбатан 3 йил озодликни чеклаш жазоси тайинланди.
Изоҳ (0)