2020 йил 31 январь куни Huawei компанияси ўзининг ўтган йилги фаолияти якунлари ва 2020 йил учун белгилаб олган режалари билан таништириш мақсадида Ўзбекистондаги оммавий ахборот воситалари вакиллари учун матбуот брифингини ўтказди.
Брифинг давомида компаниянинг Ўзбекистондаги директори Форрест Лю янги йилни «Илм-маърифат ва рақамли иқтисодиётни ривожлантириш йили» деб белгиланиши муҳим аҳамиятга эга эканлигини таъкидлади.
Huawei компанияси 20 йилдан бери Ўзбекистонда ўз фаолиятини амалга ошириб келмоқда. Ўтган йиллар давомида мамлакатда ахборот-коммуникация технологияларини жорий этиш борасида улкан ишлар амалга оширилди. 2019 йилда компания соғлиқни сақлаш тизимини рақамлаштириш, таълим, жамоат хавфсизлигини таъминлаш ва маҳаллий алоқа операторлари тармоқлари қамровини кенгайтириш бўйича лойиҳаларни амалга ошириш учун бир қатор меморандумларни имзолади. Шундай қилиб, тез тиббий ёрдам хизматининг call-марказларини замонавий АКТ ечимлари билан жиҳозлаш ва энг янги тиббий ускуналар ва АКТ технологияларига асосланган автомашиналар билан таъминлаш бўйича лойиҳа ишга туширилди, 5G технологиялари алоқа операторлари билан биргаликда оммавий синовдан ўтказилди, шунингдек, электрон таълимни жорий этиш бўйича синов лойиҳаси тақдим этилди.2020 йилда компания, шунингдек, Ўзбекистонни рақамлаштиришни яхшилайдиган ва тезлаштирадиган бир қатор лойиҳаларни амалга оширишини маълум қилди.
«Биз мамлакат ҳукумати, алоқа операторлари, ҳамкорлар ва жамоатчиликка мамлакатнинг «Рақамли иқтисодиёт»га ўтишининг самарадорлигини таъминлайдиган ўзига хос ечимлар ва маҳсулотларни тақдим этишга тайёрлигимизни билдиришни хоҳлардик ва бунда булутли технологияларни жорий этиш ва кенг қамровли Интернет тармоғини ривожлантириш орқали биринчи навбатда таълим, жамоат хавфсизлиги, транспорт соҳаларини қамраб олмоқчимиз.
20 йил давомида Huawei компанияси тажриба алмашишга ва мамлакатни рақамлаштириш бўйича ўзининг ғояларини тақдим этишга катта эътибор бериб келмоқда.
Биз Инновация кунлари ва турли саммитлар каби йирик тадбирлар ўтказиш билан ўзбекистонлик мутахассислар учун майдонлар яратишга, шунингдек, ҳудудлардан ва бош штабдан мутахассисларни таклиф қилиб, маҳаллий кўргазма ва форумларда иштирок этишга ҳаракат қилмоқдамиз. Маҳаллий ва бош идораларимизнинг кўргазма марказлари эшиклари ҳар доим давлат органлари ва мамлакат оммавий ахборот воситалари вакиллари учун очиқдир» – деди, Форрест Лю.
Пресс-брифинг давомида Huawei компаниясининг Ўзбекистон аҳолисининг барқарор ривожланишини қўллаб-қувватлаш бўйича режалари ҳам маълум қилинди. Компания Tech4All деб номланган халқаро ташаббусни илгари сурди ва унинг доирасида Huawei рақамли тенгсизликни камайтириш, турли жамоалар учун янги дастурий иловаларни ишлаб чиқиш ва рақамли технологиялар билан ишлаш кўникмаларини кенг ёйиш, шунингдек иқлим ўзгариши таъсирига учраган минтақалардаги одамларни қўллаб-қувватлаш мақсадида турли-туман ташкилотлар билан ҳамкорлик қилмоқда.
Бу йил компания UNDP билан биргаликда Орол денгизининг тубини ободонлаштириш бўйича лойиҳани амалга оширишга киришишни режалаштирмоқда ва шу билан минтақанинг барқарор келажагига ўз ҳиссасини қўшмоқда.
Реклама ҳуқуқи асосида.
Изоҳ (0)