Ўзбекистонликларни эвакуация қилиш бўйича чартер рейс Ухандан бепул, Пекиндан эса пулли амалга оширилади

Хитойдаги тарқалган коронавирус сабабли ўзбекистонликларни мазкур мамлакатдан эвакуация қилиш учун чартер рейслар режалаштирилаётгани ҳақида хабар берилган эди.

Uzbekistan Airways компанияси томонидан маълум қилинишича, Ўзбекистон Президентининг буйруғига биноан ташкил этилган ҳукумат комиссиясининг қарорига асосан, Uzbekistan Airways жорий йилнинг 4—5 февраль кунлари Хитойдаги Ўзбекистон фуқароларини эвакуация қилиш учун учта чартер рейсини амалга оширади.

Charter рейслар қуйидаги йўналишларда амалга оширилади:

Пекин—Тошкент (иккита рейс) — авиабилетлар ўртача тарифдан паст;Ухань—Тошкент (битта рейс) — тўловсиз парвоз.

Компания томонидан маълум қилинишича, ушбу рейсларга чипталарни сотиб олиш учун Ўзбекистоннинг Пекиндаги элчихонаси ва Uzbekistan Airways авиакомпаниясининг ваколатхонасига қуйидаги рақамлар орқали мурожаат қилиш керак:

Элчихонанинг консуллик бўлими:Азиз Хилватов +86 138 1120 4471Бобур Яҳёeв +86 135 1102 4242

Элчихона вакиллари:Нуриддин Убайдуллаев +86 139 10 85 7245Нодир Нурматов +86 158 1047 7270Шуҳрат Умиров +86 139 1175 4476Рустам Назаров +86 138 0122 1452Акмалхон Олимхонов +86 185 0017 0040Мансур Ибрагимов +86 135 5220 7848Сардор Сирожов +86 186 1812 9040Аваз Камолов +86 178 1070 2707

Uzbekistan Airways ваколатхонаси:Тробов Мурод +86 184 0196 9633Алексей +86 186 0195 8683

Қайд этилишича, ҳар бир самолётда тиббиёт ходимлари ва вирусология соҳасидаги мутахассислар, замонавий диагностика асбоблари, шахсий ҳимоя воситалари ва зарур тиббий препаратлар бўлади. Ўзбекистон Республикаси Соғлиқни сақлаш вазирлиги билан биргаликда парвозларда хавфсизлик чоралари кучайтирилди.

Ушбу рейсларнинг йўловчилари етиб келганидан кейин вақтинча яшаш марказига юборилади. Шу муносабат билан компания фуқаролардан Тошкент шаҳридаги аэропортда йўловчилар билан учрашмасликни сўраган. Рейсларнинг Тошкентга келиш вақти кейинроқ эълон қилинади.Йўловчиларнинг вақтинча турар жой марказида бўлишига оид саволлар билан Ўзбекистон Республикаси Соғлиқни сақлаш вазирлиги Санитария-эпидемиология фаровонлиги агентлигининг бош офисига +998712764966 телефон орқали мурожаат қилиш мумкин.Эслатиб ўтамиз, Ўзбекистон Хитой билан мунтазам авиарейсларни вақтинча тўхтатди. Соғлиқни сақлаш вазирлиги Ўзбекистонда коронавирус тарқалгани ҳақидаги хабарлар ҳақиқатга тўғри келмаслигини, бугунги кунга қадар Ўзбекистон фуқаролари орасида инфекция қайд этилмаганини маълум қилган эди.

Ташқи ишлар вазирлиги Хитойдаги ўзбекистонликларни эвакуация қилиш учун Пекиндан Тошкентга чартер рейслар 4 ва 5 февраль кунлари Пекин аэропортининг 2-терминалидан амалга оширилишини маълум қилиб, Ўзбекистон фуқароларидан 3 февраль, душанба куни, Пекин шаҳридаги элчихонага келишларини сўраган.

Шунингдек, вазирлик авиақатновлар бекор қилингани туфайли Пекин аэропортида қолиб кетган 3 нафар ўзбекистонлик талабага ёрдам кўрсатилишини маълум қилиб, талабалар билан алоқа ўрнатиб, муаммони ҳал қилиш бўйича дипломатлар тегишли чораларни кўраётганини эълон қилди.

3 февраль тонгидаги маълумотларга кўра, Хитойдаги коронавирус қурбонлари сони 361 нафарга етди. Филиппинда ҳам бир киши ушбу вирусдан вафот этган. Хитойда 17238 кишида коронавирус аниқланган. Бошқа мамлакатларда эса вирусни юқтирганлар сони 150 дан ортиқ. 480 нафарга яқин киши соғайган.