Павел Дуров WhatsApp’даги хавф ҳақида гапирди. У Жефф Безоснинг iPhone’и ушбу мессенжердаги заифлик сабаб киберҳужумга учраганини билдирди
Telegram мессенжери асосчиси Павел Дуров Amazon раҳбари Жефф Безос ишлатадиган iPhone Facebook’дагилар айтганидек, iOS’даги муаммолар туфайли эмас, балки WhatsApp’даги заифлик сабаб киберҳужумга учраганини қайд этди. Дуров бу ҳақда Telegraph платформасидаги «WhatsApp’дан фойдаланиш нима учун хавфли?» деб номланган постида маълум қилган.
Павел ДуровФото: Reuters
Telegram асосчиси хакерларга Безоснинг телефонига яширинча кириш имконини берган заифлик нафақат iOS, балки Android ва Windows Phone базаларида мавжудлигини ёзган. Унинг қайд этишича, iOS’да ишлайдиган бошқа мессенжерларда бундай муаммо мавжуд эмас.
Дуров WhatsApp фойдаланадиган елвизак шифрлаш технологиясини ҳам танқид қилган. Унинг фикрича, ушбу технология махфийликни тўлиқ таъминлай олмайди. Дуров турли хориж мамлакатларининг раҳбарлари мессенжерлар ишлаб чиқувчиларни ўз иловаларида заифликлар қолдиришга мажбурлаши ҳақида маълумотга эга эканини таъкидлаган. Шу сабабли ҳам Telegram айрим давлатларда тақиқланган, WhatsApp ҳукумат билан муаммога бормагани учун ҳам у ерларда ишлайверади, масалан, Россия ва Эронда дея ёзган Дуров.
Telegram раҳбари WhatsApp’нинг заифликлари кутилмаганда келадиган таҳдидларга йўл очишини билдирди. Унинг мақоласида ўтган йили 12 та шундай заифлик қайд қилинган ва уларнинг 7 таси ўта хавфли деб топилган.
Изоҳ (0)