Telegram мессенжери чат ва каналларни алоҳида рукнга ажратиш функциясини синовдан ўтказишни бошлади. Бу ҳақда Telegram Info хабар берди.
macOS учун яратилган синов талқини чатларни турлари бўйича ажратиш функциясига эга бўлган. Фильтрни очиш учун «Чатлар» бўлими устида сичқончанинг ўнг тугмасини босиш керак.
Фильтр ёрдамида ўқилган ва ўқилмаган хабарларни, шунингдек, бот, гуруҳ, канал ва шахсий чатларни ажратиш мумкин бўлади.
Қайд этилишича, фойдаланувчилар кўп марта каналлар ва чатларни ажратиш имкониятини беришни сўраган. Бунга жавобан мазкур функция синовдан ўтказилмоқда.
Telegram’да мазкур функция қачон расман ишга туширилиши маълум қилинмаган.
Изоҳ (0)