Буюк Британия ҳукумати Хитойнинг Huawei компаниясига мамлакат ҳудудида 5G тармоқларини қуришга рухсат берди. Бу ҳақда «Коммерсантъ» хабар берган.
Британия ҳукумати вакилларининг баёнотида компания номи очиқ айтилмаган, лекин «хавфни орттирувчи ишлаб чиқарувчилар 5G тармоқлар қуриладиган майдонларнинг 35 фоиздан кўп бўлмаган қисмида улушга эга бўлишлари, уларнинг хорижий разведка идоралари билан манфаатлари бир бўлмаган компанияларнинг» ушбу жараёнда қатнашиши мумкинлиги қайд этилган.
Ишлаб чиқарувчилар мамлакат миллий хавфсизлиги учун муҳим ҳисобланган ерлардаги қурилишларда иштирок эта олмайди. Аввалроқ Британия киберхавфсизлик миллий маркази Huawei’ни юқори хавф даражасига эга телекоммуникация қурилмалари ишлаб чиқарувчи компаниялар рўйхатига киритганди.
Huawei’нинг Буюк Британияда 5G тармоқлари яратилиши иштирок этиши ҳақидаги ушбу хабарлардан олдин масала Хитой компаниясининг Лондоннинг яқин иттифоқдоши — АҚШ билан муносабатлари сабаб кенг муҳокама қилинганди.
Британиянинг рақамли саноат, маданият ва спортни ривожлантириш вазири Ники Морганнинг сўзларига кўра, қурилма ишлаб чиқарувчилар давлат аҳамиятига эга ерлар атрофига яқин ҳам йўламайди. Шу сабабдан ушбу қарор нафақат хавфсиз ва барқарор тармоқларни тозалайди, балки ҳар томонлама пухта ўйланган стратегик танловга ҳам имконият яратади.
Изоҳ (0)