Бугун, 30 январь куни дунёнинг турли бурчакларида олинган энг қизиқарли суратлар жамланмасини тақдим этамиз.
Иордан дарёсининг ғарбий қирғоғи
Дональд Трампнинг Яқин Шарқдаги вазиятни барқарорлаштириш бўйича режасини тақдим этганидан сўнг бошланган можароларда исроиллик аскар Фаластин байроғини тепмоқда.
Хитойнинг Ухань шаҳрида илк бор қайд этилган респираторли касаллик эпидемиясига сабаб бўлган янги коронавируснинг ультраструктуравий тузилиши намойиш этилди.
АҚШ президенти Дональд Трампнинг шахсий адвокати Жей Секулоу импичмент бўйича судни тарк этмоқда.
Катманду, Непал
Болакай Сарасвати ибодатхонаси деворида ёзув қолдирмоқда. Непалда донолик ва таълим маъбудаси Сарасвати шарафига «Шри Панчами» фестивали ўтказилмоқда.
Хубэй, Хитой
Ухандаги Тяньхэ халқаро аэропортида тўхтаб турган йўловчи самолётлари. Коронавирус туфайли дунёнинг кўплаб авиакомпаниялари Хитойга тўғридан-тўғри рейсларни бекор қилмоқда.
Порт-о-Пренс, Гаити
Порт-о-Пренс харобаларида синглиси ва сув тўлдирилган канистрни аравада олиб кетаётган қиз.
Нью-Дели, Ҳиндистон
Ҳиндистонда мусулмонларни камситувчи фуқаролик тўғрисидаги қонунга қарши норозилик вақтида номаълум шахс намойишчиларга қарата ўқ узди.
Лос-Анжелес, АҚШ
Лос-Анжелес ўт ўчириш хизмати ходимлари кўп қаватли уйда содир бўлган ёнғинни ўчирди.
Мадрид, Испания
Модалар ҳафталигида чиқиш қилаётган модель.
Хубэй, Хитой
Коронавирус тарқалишининг олдини олиш учун юк машинаси ва экскаватор Цзянли уездига олиб борадиган машина йўлини тўсиб турибди.
Сантьяго, Чили
Чили полицияси юк машинаси «Коло Коло» футбол клуби ишқибозини уриб юбориб, унинг ўлимига сабабчи бўлганидан кейин намойишчилар қурилиш майдонини ёқиб юборди.
Калифорния, АҚШ
АҚШ—Мексика чегараси остида 1300 метрли туннель аниқланди. Контрабанда учун мўлжалланган туннелда вентиляция тизими, вагончалар учун йўллар, юқори волтли электр кабеллари ва панеллари, кириш жойида лифт ва сув оқова тизими бўлган.
Шанхай, Хитой
Мобил телефонини текшираётган ниқоб таққан аёл.
31 январдан 26 апрелгача Лос-Анжелесда Бритни Спирснинг клиплари декорацияларидан иборат кўргазма бўлиб ўтади.
Иордан дарёсининг ғарбий қирғоғи
Фаластинлик намойишчи Исроил қуролли кучлари вакили билан тортишмоқда.
Вашингтон, АҚШ
Оқ уй меҳмонининг галстугида Дональд Трамп ўз имзосини қолдирди.
Чивитавеккья, Италия
Италиянинг Чивитавеккья портида бортида 6 минг киши бўлган круиз лайнери тўхтаб қолди. Бунга лайнердаги хитойлик жуфтликда коронавирус белгилари пайдо бўлгани сабаб бўлди.
Изоҳ (0)