Бортида 6 минг йўловчи бўлган Costa Smeralda круиз лайнери эҳтимолий коронавирус таҳдиди сабабли Рим яқинидаги Чивитавеккя портида тўхтатиб, ёпиб қўйилди. Бу ҳақда «Интерфакс» хабар бермоқда.
The Guardian нашри хабарига кўра, круиз лайнери бортида бўлган хитойлик жуфтликда иситма кузатилган ва нафас олиш йўлларида муаммолар юзага келган, шу муносабат билан уларда коронавирус бор-йўқлигини аниқлаш мақсадида текширувлар олиб борилмоқда.
Қайд этишларича, Costa Smeralda бунгача Марсель, Барселона ва Мальорка шаҳарларида бўлган эди.
Маълумот учун, 2019 йил декабридан бери Хитойда 7 711 кишида янги турдаги коронавирус сабаб келиб чиққан пневмония билан хасталанган, улардан 170 нафари вафот этган.
Изоҳ (0)