АҚШ расмийлари мамлакатнинг жануби-ғарбий қисмидаги Мексика билан чегарада контрабанда маҳсулотларини олиб ўтишга мўлжалланган энг узун туннелни топди. Бу ҳақда АҚШнинг гиёҳванд моддалар тўғрисидаги қонун ҳужжатлари ижроси устидан назорат қилиш маъмуриятига асосланиб, «РИА Новости» хабар бермоқда.
Хабар беришларича, туннел Мексиканинг Тихуана шаҳридан АҚШнинг Сан-Диего шаҳрига қадар қазилган, унинг узунлиги 1,3 километрга тенг, баландлиги — 165 сантиметр, эни — 70 сантиметр.
Туннелда вентиляция тизими, вагончалар учун йўллар, юқори волтли электр кабеллари ва панеллари, кириш жойида лифт ва сув оқова тизими бўлган.
Қайд этишларича, ушбу туннел топилганидан кейин ҳали бирорта одам ҳибсга олинганича йўқ.
Изоҳ (0)