Bugun, 30-yanvar kuni dunyoning turli burchaklarida olingan eng qiziqarli suratlar jamlanmasini taqdim etamiz.
Iordan daryosining g‘arbiy qirg‘og‘i
Donald Trampning Yaqin Sharqdagi vaziyatni barqarorlashtirish bo‘yicha rejasini taqdim etganidan so‘ng boshlangan mojarolarda isroillik askar Falastin bayrog‘ini tepmoqda.
Xitoyning Uxan shahrida ilk bor qayd etilgan respiratorli kasallik epidemiyasiga sabab bo‘lgan yangi koronavirusning ultrastrukturaviy tuzilishi namoyish etildi.
AQSh prezidenti Donald Trampning shaxsiy advokati Jey Sekulou impichment bo‘yicha sudni tark etmoqda.
Katmandu, Nepal
Bolakay Sarasvati ibodatxonasi devorida yozuv qoldirmoqda. Nepalda donolik va ta’lim ma’budasi Sarasvati sharafiga “Shri Panchami” festivali o‘tkazilmoqda.
Xubey, Xitoy
Uxandagi Tyanxe xalqaro aeroportida to‘xtab turgan yo‘lovchi samolyotlari. Koronavirus tufayli dunyoning ko‘plab aviakompaniyalari Xitoyga to‘g‘ridan to‘g‘ri reyslarni bekor qilmoqda.
Port-o-Prens, Gaiti
Port-o-Prens xarobalarida singlisi va suv to‘ldirilgan kanistrni aravada olib ketayotgan qiz.
Nyu-Deli, Hindiston
Hindistonda musulmonlarni kamsituvchi fuqarolik to‘g‘risidagi qonunga qarshi norozilik vaqtida noma’lum shaxs namoyishchilarga qarata o‘q uzdi.
Los-Anjeles, AQSh
Los-Anjeles o‘t o‘chirish xizmati xodimlari ko‘p qavatli uyda sodir bo‘lgan yong‘inni o‘chirdi.
Madrid, Ispaniya
Modalar haftaligida chiqish qilayotgan model.
Xubey, Xitoy
Koronavirus tarqalishining oldini olish uchun yuk mashinasi va ekskavator Szyanli uyezdiga olib boradigan mashina yo‘lini to‘sib turibdi.
Santyago, Chili
Chili politsiyasi yuk mashinasi “Kolo Kolo” futbol klubi ishqibozini urib yuborib, uning o‘limiga sababchi bo‘lganidan keyin namoyishchilar qurilish maydonini yoqib yubordi.
Kaliforniya, AQSh
AQSh—Meksika chegarasi ostida 1300 metrli tunnel aniqlandi. Kontrabanda uchun mo‘ljallangan tunnelda ventilyatsiya tizimi, vagonchalar uchun yo‘llar, yuqori voltli elektr kabellari va panellari, kirish joyida lift va suv oqova tizimi bo‘lgan.
Shanxay, Xitoy
Mobil telefonini tekshirayotgan niqob taqqan ayol.
31-yanvardan 26-aprelgacha Los-Anjelesda Britni Spirsning kliplari dekoratsiyalaridan iborat ko‘rgazma bo‘lib o‘tadi.
Iordan daryosining g‘arbiy qirg‘og‘i
Falastinlik namoyishchi Isroil qurolli kuchlari vakili bilan tortishmoqda.
Vashington, AQSh
Oq uy mehmonining galstugida Donald Tramp o‘z imzosini qoldirdi.
Chivitavekkya, Italiya
Italiyaning Chivitavekkya portida bortida 6 ming kishi bo‘lgan kruiz layneri to‘xtab qoldi. Bunga laynerdagi xitoylik juftlikda koronavirus belgilari paydo bo‘lgani sabab bo‘ldi.
Izoh (0)