Швециялик экофаол Грета Тунберг исм-шарифи ва ўзи асос солган жамоат ҳаракати номини товар белгилари тариқасида рўйхатдан ўтказишини маълум қилди. Бу ҳақда «Коммерсантъ» хабар бермоқда.
У савдо белгиларига умуман қизиқмаслиги, бироқ шундай йўл тутишга мажбур бўлаётганини билдирган.
«Менинг ва #FridaysForFuture ҳаракати номи мунтазам равишда ҳеч қандай сўроқсиз тижорий мақсадларда фойдаланилади. Фойда олиш мақсадида менинг номимдан иш кўрадиган одамлар бор. Тунберг ёки ҳаракат номидан товарлар сотилиши ёки пул йиғилиши ҳолатлари қайд этилган. Шунинг учун исм-шарифим ва ҳаракат номини товар белгилари сифатида рўйхатдан ўтказиш учун ариза бердим», — дея таъкидлаган 17 ёшли ўқувчи.
Изоҳ (0)