Бош прокуратура ҳузуридаги Департаментнинг Ўрта Чирчиқ тумани бўлими ва ДСИ ходимлари томонидан ўтказилган терговга қадар текширувда «М.Нон» ва «Р.Нон» МЧЖларининг собиқ раҳбари М.А. 2018—2019 йилларда аҳолининг қолипли нонга бўлган эҳтиёжини таъминлаш мақсадида жами 3,5 миллиард сўмлик 2 276,8 тонна ун маҳсулотини имтиёзли нархларда харид қилгани аниқланди. Бу ҳақда «Дарё»га Бош прокуратура матбуот хизмати маълум қилди.
Бироқ у амалда қолипли нон ишлаб чиқармасдан ун маҳсулотини бошқа шахсларга сотиб юбориб, давлат ва жамият манфаатларига жуда кўп миқдорда зарар етказган. Шунингдек, 248,3 миллион сўм солиқ ва бошқа мажбурий тўловларни тўлашдан қасддан бўйин товлаганлиги аниқланган.
Мазкур ҳолат юзасидан М.А.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)