Алишер Мирзаев «Капиталбанк» бошқаруви раиси этиб тайинланди. Мазкур қарор 27 январь, душанба куни, банк акциядорларининг навбатдан ташқари йиғилишида қабул қилинди, деб ёзмоқда «Gazeta.uz».
Алишер Мирзаев мазкур лавозимни декабрь ойида тарк этган Олег Кимнинг ўрнини эгаллади.
Алишер Мирзаев 1969 йилда туғилган. 1993 йилда Тошкент архитектура-қурилиш институтини, 2000 йилда Тошкент молия институтини тамомлаган. 1993—2018 йилларда «Ипак Йўли» банкида турли лавозимларда, хусусан, раис вазифасини бажарувчи лавозимида ишлаган.
Алишер Мирзаев 2018 йилда «Ҳамкорбанк» бошқаруви раисининг банкни ривожлантириш бўйича ўринбосари этиб тайинланган.
У 2020 йил 17 январдан «Капиталбанк» раҳбари вазифасини ўз зиммасига олган эди.
Изоҳ (0)