Ижтимоий тармоқларда Тошкент шаҳри марказида жойлашган хиёбонда ёнғин содир бўлгани акс этган видео тарқалди.
Ўзбекистон Фавқулодда вазиятлар вазирлиги томонидан хабар берилишича, Тошкент шаҳар фавқулодда вазиятлар бошқармаси навбатчилик қисмига келиб тушган маълумотга асосан, 21 январь, сешанба куни соат 20:27 да Миробод тумани «Минг Ўрик» маҳалласи, Амир Темур шоҳкўчасида жойлашган «Болажон» боғида ёнғин содир бўлган.
Миробод туман ёнғин-қутқарув бўлинмаси белгиланган манзилга соат 20:32 да етиб борган. Ёнғин соат 20:42 да ўчирилган. Маълум бўлишича, боғдаги эски ошхона ички қисмининг беш метр квадрат майдони ёнган.
Мазкур боғ Тошкент халқаро Вестминстер университети ҳамда Тошкент курантлари ёнида жойлашган.
Эслатиб ўтамиз, 21 январь куни Россиянинг Томск вилоятида юз берган ёнғинда 10 нафар ўзбекистонлик ҳалок бўлганди.
Изоҳ (0)