АҚШ Конгресси Сенати президент Дональд Трампнинг импичменти жараёни қоидаларини тасдиқади, деб хабар бермоқда «Коммерсантъ» CNN’га таяниб. Таклиф этилган қоидаларни 53 нафар сенатор маъқуллаган, 47 нафари қарши чиққан.
Резолюцияга мувофиқ, конгрессменлар 22 январь тонгига қадар импичмент учун зарур ҳужатларни тақдим этишлари лозим бўлган. Президент тарафдорларида уларга жавоб бериш учун 2 соат вақт берилади.
Кейинги босқич дебат бўлиб, унда иштирокчилар гувоҳларни жараёнга чақиришлари, шунингдек, иш бўйича қўшимча ҳужжатлар талаб этишлари мумкин. Шундан сўнг томонлар сенаторлар саволларига жавоб беради. Агар гувоҳлар чақирилмаса, Конгресс айблов моддаси бўйича овоз беради.
АҚШ Сенати Трампнинг импичментига оид ишни кўриб чиқишни 16 январь, пайшанба куни расман бошлаган эди. Сенатда аксарият ўринни (100 тадан 53 тасини) республикачилар эгаллаган. Шу сабабли Оқ уй президент оқланишига ишонмоқда. Трампнинг ўзи эса иш бўйиша эшиттирув тезроқ якунланишини кутмоқда.
Эслатиб ўтамиз, можаро Дональд Трампнинг Украина президенти Владимир Зеленский билан телефон суҳбати чоғида Ҳантер Байден иши бўйича ҳамкасбига босим ўтказиши натижасида бошланганди. Трампнинг юристлари импичментни АҚШдаги бўлажак президентлик сайловларига аралашиш сифатида баҳолаган.
Изоҳ (0)