АҚШ президенти Дональд Трамп администрацияси Беларусь, Қирғизистон, Нигерия, Мьянма, Судан, Танзания ва Эритрея фуқароларига мамлакат ҳудудига киришни чекловчи мамлакатлар рўйхатига қўшишни режалаштирмоқда, деб ёзади «Коммерсантъ».
Мамлакатлар рўйхати ҳали тасдиқланмаган, унга ўзгартириш киритилиши мумкин.
Қайд этилишича, ушбу мамлакатлар фуқаролари АҚШга киришга умумий тақиққа учрамайди, бироқ визанинг айрим турларини олишда чекловлар қўйилиши мумкин.
Оқ уйнинг расмий вакили Хоган Гидли фуқаролари учун АҚШга кириш чекланадиган мамлакатлар рўйхати кенгайтирилишига изоҳ беришдан бош тортди.
«Агар бирон бир мамлакат АҚШнинг иммиграция дастурларида иштирок этишни хоҳласа, улар хавфсизликнинг барча чоралари ва терроризмга қарши курашга амал қилиши керак», — дейди Гидли.
Изоҳ (0)