Касалликка чалиниш ҳолатлари Таиланд ва Японияда ҳам кузатилган. Ўзбекистон ТИВ Хитойда тарқалган янги вирус сабабли у ерга бормоқчи бўлган ўзбекистонликларни эҳтиёт бўлишга чақирган. Ўзбекистон ССВ Хитойда тарқалган коронавирус туфайли чегарадаги санитар назорат кучайтирилганини маълум қилган.
АҚШда Хитойда тарқалган янги коронавирус билан зарарланган биринчи ҳолат қайд этилди
АҚШ Касалликларни назорат қилиш ва олдини олиш маркази (CDC) мамлакатда Хитойда тарқалган номаълум вирус билан зарарланган биринчи ҳолатни қайд этди, деб хабар беради Meduza.
Бемор ҳозирда Вашингтон штатида. У 15 январь куни Хитойнинг Ухан шаҳридан қайтиб келганидан сўнг ўзини ёмон ҳис қилган ва шифокорларга мурожаат қилган. Таҳлил натижалари унда янги коронавирус сабабли юзага келган пневмонияни кўрсатган.
Маълумотларга кўра, шифокорлар беморнинг аҳволини яхши демоқда.
CDC мутахассислари Вашингтонга бориб, вирус яна бирор кимга юққан ёки юқмаганини аниқлайди. Идоранинг таъкидлашича, улар вируснинг АҚШга кириб келишига бир неча ҳафта тайёргарлик кўришган.
Мавзуга доир:
Изоҳ
Кириш
Асосий янгиликлар
