Греция президентлигига илк марта аёл киши сайланди

22 январь куни Греция парламенти мамлакат президентлигига Катерина Сакелларопулу номзодини қўллаб-қувватлаб овоз берди, деб хабар берди «РИА Новости».

Бунга қадар Катерина Сакелларопулу олий маъмурий суд давлат кенгашининг раиси эди.

Унга «Янги демократия» ҳукмрон партияси, СИРИЗА радикал сўл кучлар коалицияси партияси, ва «Ўзгаришлар ҳаракати» сўл партияси депутатлари овоз берган. 63 ёшли судьянинг номзодини Греция бош вазири Кириакос Мицотакис илгари сурган эди. Катерина Сакелларопулу мамлакат тарихида илк марта давлат олий лавозимини эгаллаган аёл бўлди.

Конституциясига кўра, Греция парламентар республика ҳисобланади. Давлат раҳбари президент бўлиб, у, асосан, маросимларга оид вазифани бажаради, асосий ҳокимият бош вазирга тегишли.

Екатерина Сакелларопулунинг қасамёд қабул қилиш маросими 14 март куни парламент ялпи мажлисида ўтказилади.

Мамлакатнинг ҳозирги президенти Прокис Павлопулос 2015 йилнинг мартида беш йил муддатга сайланган эди. Унинг ваколати 13 март куни тугайди.