Сурияда америкалик ҳарбийлар мамлакатдаги нефть конларига боришни режалаштирган россиялик ҳарбийларни тўхтатиб қолди, деб хабар беради Meduza.
Анадолу агентлигининг маълум қилишича, россиялик ҳарбийлар патрули 18 январь куни АҚШ кўмаги билан тузилган Курд ҳарбий бирлашмалари назорати остидаги ҳудудда тўхтатилган.
Ҳарбийлар АҚШ, курдлар ва Сурия даъвогарлик қилаётган Румейлан кони томон кетаётган бўлган.
16 январь куни ҳам курдлар россиялик ҳарбийларнинг ушбу конга боришига йўл қўймаганди.
Hurriyet нашрининг ёзишича, Румейлан нефть кони ҳудудида Американинг ҳарбий базаси жойлашган.
Аввалроқ Сурия ҳукумати мамлакатдаги нефть ресурслари талон-торож қилинганлиги сабаб АҚШга қарши даъво аризасини киритиш ниятида эканлиги ҳақида хабар берилганди.
Изоҳ (0)