Suriyada amerikalik harbiylar mamlakatdagi neft konlariga borishni rejalashtirgan rossiyalik harbiylarni to‘xtatib qoldi, deb xabar beradi Meduza.
Anadolu agentligining ma’lum qilishicha, rossiyalik harbiylar patruli 18-yanvar kuni AQSh ko‘magi bilan tuzilgan Kurd harbiy birlashmalari nazorati ostidagi hududda to‘xtatilgan.
Harbiylar AQSh, kurdlar va Suriya da’vogarlik qilayotgan Rumeylan koni tomon ketayotgan bo‘lgan.
16-yanvar kuni ham kurdlar rossiyalik harbiylarning ushbu konga borishiga yo‘l qo‘ymagandi.
Hurriyet nashrining yozishicha, Rumeylan neft koni hududida Amerikaning harbiy bazasi joylashgan.
Avvalroq Suriya hukumati mamlakatdagi neft resurslari talon-toroj qilinganligi sabab AQShga qarshi da’vo arizasini kiritish niyatida ekanligi haqida xabar berilgandi.
Izoh (0)