Ўзбекистон Марказий банки 2020 йил учун инфляциянинг базавий прогнозини 12—13,5 фоиз даражасида сақлаб қолмоқда. Марказий банк жорий йил якунига қадар инфляция даражаси пасайишига хизмат қилувчи омилларни маълум қилди.
Унга кўра, инфляция даражасининг пасайиши қуйидаги прогноз баҳоларига асосланган:
- 2019 йилда юзага келган баъзи инфляцион омиллар таъсирининг тугаб бораётганлиги ҳамда озиқ-овқат ва ноозиқ-овқат товарларининг аксарияти бўйича нархлар Марказий Осиё минтақасидаги, шунингдек, асосий савдо ҳамкор давлатлардаги нархлар даражасига мослашиб бўлганлиги;
- қишлоқ хўжалиги маҳсулотлари, тўқимачилик ва қурилиш саноатида маҳсулот ишлаб чиқариш ҳажми ўсиши прогноз қилинмоқда ва бу ички истеъмол бозорида таклиф ҳажмининг ортишига хизмат қилади. Бунда рақобат муҳитини босқичма-босқич яхшилаб бориш муҳим омил ҳисобланади;
- пул-кредит ва макропруденциал сиёсатнинг зарур дастакларидан фойдаланиш ҳамда давлат харажатлари ва умумий бюджет тақчиллигини оптималлаштириш орқали кредитларнинг мақбул даражада ўсиши таъминланади ва шу орқали инфляция ва айирбошлаш курсига бўлган босимни пасайтиради.
- Қайд этилишича, 2018—2019 йилларда ўртача иш ҳақи даражасининг сезиларли даражада тўғриланганлиги ҳисобига 2020 йилда аҳоли номинал даромадларининг мўътадил даражада ўсишининг кутилиши талаб омиллари таъсирини камайтиришга ёрдам беради.
Изоҳ (0)