Ўзбекистонлик 4 нафар эркак Россиянинг Санкт-Петербург шаҳрида босқинчилик қилгани учун қўлга олинди. Бу ҳақда «Fontanka.ru» хабар берди.
Маълум қилинишича, мазкур шахслар 2019 йилнинг 21 декабрь куни бир йўловчининг иккита телефони ва банк пластик картасини олиб қўйган. Босқинчилар 2020 йил 5 январь куни эса Санкт-Петербургдаги Ветеранлар кўчасида таксичининг машинасини эгаллаб олган.
Нашрнинг ёзишича, эркакларнинг энг каттаси — 32 ёшда, энг кичиги эса 22 ёшда. Улар 5 январь куни Kia русумли таксига ўтирган. Жиноий гуруҳ аъзолари ҳайдовчини бўғиб, унинг машинасини олиб қочган.
Маълум қилинишича, гуруҳ аъзолари ўғирланган нарсаларни сотишга улгурмаган. Улар полиция томонидан мусодара қилинган ва ўз эгаларига қайтарилади.
Изоҳ (0)