Ўзбекистон фуқароси Россиянинг Санкт-Петербург шаҳридаги «Перекрёстка» маҳсулот тақсимлаш марказидан 1,5 миллион рубль (225 миллион сўмдан ортиқ) миқдоридаги озиқ-овқат маҳсулотларини ўғирлаганликда гумонланмоқда. Бу ҳақда «Fontanka.ru» хабар берди.
Хабар берилишича, 49 ёшли ўзбекистонлик эркак марказдан катта миқдорда чой ва кофе ўғирлаган.
Нашрнинг маълум қилишича, 13 январь, душанба куни эркак қўлга олинган, у бир кун аввал 1,5 миллион рубль қийматдаги чой, кофе, печенье ва шоколадни фургонда ўғирлаб кетганликда гумон қилинмоқда. Қўлга олиш вақтида эркакда ўғирланган маҳсулотлар топилмаган. Унга нисбатан ўғирлик моддаси билан жиноий иш қўзғатилган.
Изоҳ (0)