Андижон вилоятида ишсиз юрган ёшларнинг бари ҳисобга олинади, уларнинг муаммолари аниқланиб, йил давомида бу муаммоларни ҳал қилиш чоралари кўрилади. Бу ҳақда вилоят ҳокими Шуҳрат Абдураҳмонов маълум қилди, дея хабар бермоқда «Дарё» мухбири Мусулмонбек Иброҳимов.
Президентимизнинг топшириқларига кўра, бу йил ёшлар билан ишлаш йили бўлади. Бутун маҳалла фаоллари, участка нозирлари Андижондаги ишсизлар ёки бирор муаммо билан юрганларнинг барини ҳатлаб чиқяпти. Муаммоларни аниқлаб олгач, уларни ҳал қилиш учун йил мобайнида ҳаммамиз бирга ишлаймиз.Ёшлар билан учрашсам-учрашмасам аниқ биламан, энг катта масала — яхши маош ва иш масаласи. Шу боис ишни Андижон шаҳри ва Хўжаобод туманида бекор юрган ёшларни қурилишга олиб келишдан бошладик. Агар бу ёшлар олий таълимга ўқишга топшириб, шартнома асосида ўқишга кирса, контрактини тўлашга ёрдам берамиз.
Уйга муҳтожлари бўлса, орасида энг яхши ишлаганларига дастлабки тўловини амалга оширишда ёрдам берамиз. Бошқа муаммолари бўлса ҳам, иш билан параллел уларни ҳам ечиб борамиз. Агар у ёқ-бу ёқда юрган ишсиз ёшлар бўлса — келаверсин, иш топиб бераман. Бу уйлар қурилиши — биринчи нуқта.
Цемент заводлари ишга тушяпти, у ерга ҳам 200 нафар атрофида ишчи оламиз. Бу заводлар ҳам атрофида ўз ишчилари учун уйлар қуриб, ходимларига топширади. Шу билан ёшларнинг кўпи уйли бўлиб қолади.
Шуҳратбек Абдураҳмонов, Андижон вилояти ҳокими
Изоҳ (0)