Тошкент метрополитенининг «Юнусобод» йўли иккинчи босқичи ҳамда ер усти ҳалқа метро йўлининг биринчи босқичи 2020 йил мартида, Сергелидаги метро йўли эса сентябрда фойдаланишга топширилади. Бу Президент Шавкат Мирзиёев томонидан 9 январь куни тасдиқланган 2020—2022 йилларга мўлжалланган Инвестиция дастурида белгилаб қўйилган, дея хабар бермоқда «Gazeta.uz».
Юнусободдаги метронинг давомини қуриш лойиҳасининг умумий қиймати 103,8 миллион долларни ташкил этади. Йўлнинг давомида «Туркистон» ва «Юнусобод» бекатлари қурилмоқда. Янги йўналишнинг узунлиги 2,9 километр. Дастлабки режа бўйича, бу йўл 2019 йил охиригача ишга тушиши керак эди.
Мавзуга доир:
- «Ўзбекистон темир йўллари» АЖ янги метро бекатларининг 28 декабрда фойдаланишга топширилмаслигини билдирди
- Юнусободда қурилаётган метро бекатларидан бирига «Қурувчилар» номини бериш таклиф қилинди
- «Ойбек ва Давронбек тоғаларимнинг ўғиллари эди». Метро қурилишида ҳалок бўлганларнинг икки нафари қариндош экани тасдиқланди
Сергелидаги метро йўлининг қурилиш қиймати 82,7 миллион долларни ташкил этади, узунлиги 7,1 километр. Олтита бекат фаолият олиб борадиган янги йўналиш Сергели туманини пойтахтнинг бошқа туманлари билан боғлайди. Йўналиш «Чилонзор» йўлининг «Олмазор» бекатига бориб уланади. Аввалроқ ушбу йўналиш 2020 йилги Наврўз байрами арафасида фойдаланишга топширилиши айтилган эди.
Изоҳ (0)