Нигер ғарбидаги Шинегодар қишлоғида ҳарбий постга ҳужум оқибатида 89 нафар ҳарбий хизматчи ҳалок бўлди. Бу ҳақда «РИА Новости» хабар бермоқда.
Қурбонлар 11 январь, шанба куни мамлакат пойтахти Ниамейда дафн этилди. Уларнинг сони янада ортиши мумкинлиги айтилмоқда.
Мамлакат мудофаа вазирлигига кўра, номаълум шахслар ҳарбий базага мототцикл ва машиналарда келган ҳамда ўт очган. Ҳарбийлар Нигер ҳарбий-ҳаво кучлари ва ҳамкорлар кўмагида жавоб зарбаси берган ҳамда жангариларни қувиб чиқарган. Шундан сўнг ҳудудни тозалаш ишлари бошланган.
Ҳозирча ҳеч бир террорчи гуруҳ ҳужум учун жавобгарликни зиммасига олмади.
Изоҳ (0)