Эронда қиз болаларни 9 ёшдан жиноий жавобгарликка тортиш мумкин. Улар қотиллик қилгани, гиёҳванд моддалар сотгани ёки қуролли ҳужум уюштириб ўғрилик содир этгани учун ҳатто ўлим жазосига ҳам ҳукм қилинади. Эронлик фотограф Содиҳ Сурий оғир шароитлардаги қамоқхонада яшаётган маҳкумалар ҳаёти ҳақида суратлар олган. Қамоқдаги қизларнинг кўпчилик қисми учун 18 ёшга тўлиш ўлим жазоси тайинланишини янада яқинлашганини англатади.
Нозанин 16 ёшда. Ярим йил аввал 621 грамм кокаин сақлагани учун қамоққа олинган. Ҳозирда қиз ўз жинояти юзасидан суднинг якуний ҳукми ўқилишини кутмоқда.
Қизлар овқат учун соатлаб навбат кутади.
Маҳкумалар кунига икки марта: тонгда бир соатга ва оқшом пайтида сайр қилиш учун ҳовлига чиқарилади.
13 ёшли Хатира амакиси зўрлаганидан кейин уйидан қочиб кетган. Орадан бир ҳафта ўтгач Теҳрондаги парклардан бирида безорилар кўпчилик бўлиб унга жинсий яқинлик қилди. Қиз ҳаётини сақлаб қолиш учун сумкасидан пичоқ олиб душманларга ташланган ва жароҳатланиб ҳушдан кетган. Полиция қизни паркда ҳушсиз ҳолда топган. Муолажалардан кейин Хатира вояга етмаганларнинг аҳлоқ тузатиш маркази камерасига жойлаштирилди.
Маҳкумалар чақалоқ икки ёшга тўлгунига қадар фарзандлари билан бирга қамоқхонада яшай олади. Заҳро 17 ёшда, у 14 ёшида турмушга чиққан, икки нафар фарзанди бор. Жувон мобил телефонлар ўғирлагани учун қамоқда ўтирибди. Заҳро бу каби жиноятни содир этгани учун учинча марта қамалган.
Вояга етмаган қизларнинг камераларига ҳар куни имом-хатиб ташриф буюради. Имом қизлар билан бирга намоз ўқийди. Ибодатдан кейин жиноятчи аёлларни ахлоқий тарбиялаш бўйича маъруза қилади ва Оллоҳдан уларнинг гуноҳини кечиришни сўраб дуолар ўқийди.
Савганд 16 ёшда. У уйда ёлғиз қолганида, полиция хонадонга бостириб кирган, тинтув ўтказилган вақтда 250 грамм опиум, 30 грамм кокаин ва 20 грамм героин топилган. Наркотиклар қизнинг отасига тегишли эди, лекин қиз квартирада ёлғиз бўлгани сабаб зобитлар уни ҳибсга олган. Савганд бир йилдан бери қамоқхонада. Шу вақтга қадар уни йўқлаб бирорта ҳам қариндоши келмаган, қидирувдаги оила аъзолари ҳам топилмаган.
15 ёшли ёшли Шақифа турмада бир йилдан ортиқроқ вақтдан бери яшайди. У севган йигити билан Теҳрон бозорида ўғрилик қилишга уринган. Полиция жиноятни пайқаганда, йигит қочиб қолган, Шақифа эса ҳибсга олинган. Суд унга нисбатан ўлим жазосини тайинлаган, қиз 18 ёшга тўлиши билан ҳукм ижросига киришилади. Ушбу суратда Шақифа ва унинг бувиси ўғриликдан бир йил ўтиб дийдорлашмоқда.
Маҳса 17 ёшда. У севганига турмушга чиқишни истаган ва ушбу масалада тортишиб отасини ошхона пичоғини тиқиб ўлдириб қўйган. Маҳсанинг ака-укалари қизга нисбатан ўлим ҳукми ўқилишини талаб қилмоқда.
Машсид 15 ёшда, у ноқонуний муносабатлар ва гиёҳванд моддалар олиб кирганликда айбланган. Қизнинг ота-онаси ҳам гиёҳванд моддалар савдоси ва истеъмоли туфайли қамоқда муддатни ўтамоқда. Машсид 8 ойдан кейин озодликка чиқади.
Изоҳ (0)