Абхазияда мухолифат тарафдорлари штурм билан президент администрацияси биносини эгаллашга уриниб кўрди. Шу тариқа улар президентлик сайлови натижаларидан норози эканлигини билдирмоқда, деб ёзмоқда Meduza.
Президент администратияси биноси олдида 9 январь куни таминан 800 киши тўпланган. Администрация биноси эшигини бузишга ва деразасини синдиришга муваффақ бўлган. Шундан сўнг полиция ва қўриқчилар намойишчиларнинг ичкарига кириши олдини олиш учун куч ишлатишга мажбур бўлган.
Расмийлар ҳодисани давлат тўнтаришига уриниш деб баҳолади ва намойишчиларни конституция доирасидан чиқмасликка чақирди. Мухолифат вакиллари, ўз навбатида, президент Рауль Хажимбани истеъфога чиқишга чақирди ва мамлакатдаги вазият кескин даражага борганини таъкидлади.
Президент Рауль Хажимбанинг «Интерфакс»га маълум қилишича, у айни вақтда Сухумида, ўз иш жойида ва юз бераётган ҳодисаларни тартибга солиш билан шуғулланмоқда. У яширинишга уринмаётганини қайд этган.
Абхазиядаги президентлик сайлови 2019 йилнинг ёзида бўлиб ўтган. Рауль Хажимба учун 47,39 фоиз сайловчи овоз берган. Унинг рақиби Алхас Квициния учун 46,17 фоиз ово берилган. Мухолифат сайлов натижалари юзасидан судга шикоят қилган, бироқ ўтган йилнинг декабрь ойида Олий суд даъвони аризасини рад этган.
Изоҳ (0)