Швейцариянинг ҳайвонларни ҳимоя қилувчи Pro Natura ташкилоти ўрмон мушугини 2020 йил ҳайвони деб эълон қилди, деб хабар бермоқда «ТАСС».
Қайд этилишича, бу йўл билан Швейцариядаги ҳайвонот оламини ҳимоя қилиш муаммосига эътибор қаратиш мўлжалланган.
Ўрмон мушуги йўқолиб кетиш арафасида бўлган, аммо сўнгги йилларда бу ҳайвонга нисбатан вазият яхши томонга ўзгариб, унинг ареали кенгайган. Дарахтлар кесилишидан ҳимояланган ўрмон ҳудудлари бу ҳайвоннинг ов қилиши ва насл бериши учун қулай жой яратади.
Европа мушуги деб ҳам аталувчи ушбу мушук Европа, Осиё ва Африка шимолида яшайди. Мутахассисларнинг айтишича, ўрмон мушугини уй мушугидан фарқлаш қийин. Швейцарияда тахминан 1,6 миллионта уй мушуклари мавжуд. Уларнинг аксарияти кўчаларда «шунчаки юради», айримлари эса ёввойилашиб кетган бўлиб, уларни ўрмонларда учратиш мумкин.
Изоҳ (0)