Актёр Леонардо Ди Каприо кема бортидан сувга тушиб кетган 24 ёшли эркакни қутқаришга ёрдам берди. Эркак сувда тахминан 11 соат қолган. Бу ҳақда The Sun хабар бермоқда.
Хабар берилишича, актёр 30 декабрь куни дугонаси Камила Морроне билан Кариб оролларидаги Сен Мартен ороли яқинида ижарага олинган яхтада дам олаётган эди. Ди Каприо кемадан йиқилиб тушган йўловчи қидирлаётгани ҳақидаги фавқулодда чақирувни эшитган. Шундан сўнг актёр уни қидириб йўлга тушган.
Ди Каприонинг яхтаси керакли ҳудуддаги ягона кема бўлган. Йўқолган йўловчини қуёш ботишидан бир соат олдин топишга муваффақ бўлинган. Қайд этилишича, эркак қутқарилганидан кейин кучли ёғингарчилик бошланган.
Қутқарилган эркак жуда чанқаган эди. Унга овқат, кийим ва сув берилган. Кейинроқ эркак қирғоқ қўриқлаш хизматига топширилган. Тахмин қилинишича, эркак Club Med компанияси ходими бўлган ва жуда маст бўлгани сабабли сувга тушиб кетган.
Изоҳ (0)