Ўзбекистонликлар Янги йилни нишонлаш учун кўпроқ қайси мамлакатларга учгани маълум қилинди 

«Aviasales.uz» бадавлат ўзбекистонликлар Янги йилни нишонлаш учун кўпроқ қайси мамлакатларга боргани ҳақидаги маълумотларни тақдим этди.

Қайд этилишича, Тошкентдан Сингапурга икки нафар йўловчининг 24 миллион сўмга учиб кетиши Янги йил байрами арафасидаги энг қиммат брон бўлган.

Иккинчи ўринни эса Тошкентдан Лос-Анжелесга бир томонга учиш учун 23 миллион сарфланган парвоз эгаллади.

Бундан ташқари, ўзбекистонликлар байрам арафасида Таиланд пойтахти Бангкокка учиш учун 22,5 миллион доллар сарфлади. Бу парвоз эса рўйхатнинг учинчи ўрнини эгаллади.

Ўзбекистонликлар шунингдек Тошкентдан Сингапурга учиш учун 17,8 миллион сўм сарфлади.

Дубайда Янги йилни нишонлаш учун ўзбекистонликлар 17,5 миллион сарфлагани маълум бўлди.

17 миллион сўм эса Тошкент—Пхукет йўналишидаги авиапарвоз учун сарфланган.

Анқарада байрамни нишонлаш истагидаги ўзбекистонликлар эса Туркия пойтахтига учиш учун 15,5 миллион сўм сарфлаган.

Тбилисига учган ўзбекистонликлар эса ушбу авиапарвозга 15 миллион сўм сарфлаган.

Тошкент—Екатеринбург йўналишидаги авиапарвоз учун 12,6 миллион сўм сарфланган.