O‘zbekistonliklar Yangi yilni nishonlash uchun ko‘proq qaysi mamlakatlarga uchgani ma’lum qilindi 

“Aviasales.uz” badavlat o‘zbekistonliklar Yangi yilni nishonlash uchun ko‘proq qaysi mamlakatlarga borgani haqidagi ma’lumotlarni taqdim etdi.

Qayd etilishicha, Toshkentdan Singapurga ikki nafar yo‘lovchining 24 million so‘mga uchib ketishi Yangi yil bayrami arafasidagi eng qimmat bron bo‘lgan.

Ikkinchi o‘rinni esa Toshkentdan Los-Anjelesga bir tomonga uchish uchun 23 million sarflangan parvoz egalladi.

Bundan tashqari, o‘zbekistonliklar bayram arafasida Tailand poytaxti Bangkokka uchish uchun 22,5 million dollar sarfladi. Bu parvoz esa ro‘yxatning uchinchi o‘rnini egalladi.

O‘zbekistonliklar shuningdek Toshkentdan Singapurga uchish uchun 17,8 million so‘m sarfladi.

Dubayda Yangi yilni nishonlash uchun o‘zbekistonliklar 17,5 million sarflagani ma’lum bo‘ldi.

17 million so‘m esa Toshkent—Pxuket yo‘nalishidagi aviaparvoz uchun sarflangan.

Anqarada bayramni nishonlash istagidagi o‘zbekistonliklar esa Turkiya poytaxtiga uchish uchun 15,5 million so‘m sarflagan.

Tbilisiga uchgan o‘zbekistonliklar esa ushbu aviaparvozga 15 million so‘m sarflagan.

Toshkent—Yekaterinburg yo‘nalishidagi aviaparvoz uchun 12,6 million so‘m sarflangan.