2007 йилдаги Солиқ кодексида назарда тутилган солиқлар ва бошқа мажбурий тўловлар бўйича имтиёзлар 2020 йилнинг 1 апрелига қадар амал қилади. Бу ҳақда 4 январь куни Адлия вазирлиги ташаббуси билан ташкил этилган брифингда маълум қилинди, дея хабар бермоқда «Дарё» мухбири.
Жорий йил 1 январига қадар қабул қилинган солиқ тўғрисидаги қонун ҳужжатларида назарда тутилган солиқлар ва бошқа мажбурий тўловлар бўйича имтиёзлар уларнинг муддати тугагунга қадар амалда бўлади. Бундан ташқари, қонунга кўра, ягона ижтимоий тўлов, ягона солиқ тўлови ва қатъий белгиланган солиқ ўрнига тегишлича ижтимоий солиқ, айланмадан олинадиган солиқ ҳамда қатъий белгиланган миқдорда жисмоний шахслардан олинадиган даромад солиғи киритилмоқда.
—Янги солиқ кодекси бўйича ишлашимизга 1,5 йил вақт кетди. Бу ерда оғир масалаларни ҳал этишга тўғри келди. Жараёнга ўзимизнинг олимлар, Жаҳон банки, халқаро валюта фонди каби халқаро молия институтлари мутахассисларини жалб қилдик. Ушбу солиқ кодексининг олдингилардан фарқи шундаки, аввал фақат бир томонлама ишлаб чиқилган эди. Ҳатто «Сизларнинг солиқ кодексларингиз фақат давлат бюджетини кўпайтиришдан иборат. Тадбиркорларни қўллаб-қувватлашга йўналтирилмаган», деган эътирозлар ҳам билдирилган. Янги кодексда ҚҚС бўйича тубдан ўзгариш бўлди, — деди Давлат солиқ қўмитаси раиси биринчи ўринбосари Мубин Мирзаев.
ДСҚ расмийсининг таъкидлашича, 2019 йилда 24 триллион сўмдан ортоқ ҚҚС йиғилган.
Биргина 2019 йилнинг ўзида корхона ва ташкилотларда 800 мингдан кўпроқ ишчи-ходим сонини легаллаштириш имкони пайдо бўлди. 5,3 миллиондан ортиқ жисмоний шахс даромад солиғи тўловчиси сифатида рўйхатдан ўтди. Ваҳоланки, ундан аввалги йилда уларнинг сони 4,5 миллион атрофида эди. Охирги ўн йил ичида солиқ тўловчилар сони деярли ошмаганди: 4,4—4,5 миллион атрофида эди.Брифингда маълум қилинишича, янги таҳрирдаги Солиқ кодексида солиқларни унификациялаш, ўхшаш солиқ солиш базасига эга солиқларни бирлаштириш орқали улар сони мақбуллаштирилди, солиқ ҳисоботлари камайтирилди ва соддалаштирилди.2019- йилда эса бу кўрсаткич расмий равишда юқорилади.Биз ўтган йили прогноз бўйича 24 триллион сўмга яқин қўшилган қиймат солиғи йиғишимиз керак эди. Буни деярли ортиғи билан бажардик. 2018 йилга нисбатан тушумларни 1,8 баравар кўпайтириш имкониятига эга бўлдик.
Мубин Мирзаев, Давлат солиқ қўмитаси раиси биринчи ўринбосари
Шунингдек, солиқ органлари солиқ текширувларининг қуйидаги турларини ўтказиши белгиланди:
- камерал солиқ текшируви;
- сайёр солиқ текшируви;
- солиқ аудити.
Изоҳ (0)