Таниқли актриса Мадина Мухторова кенжа ўғли, 13 ёшли М.О.га нисбатан оналик ҳуқуқидан маҳрум этилиши мумкин. Бу ҳақда 4 январь куни Юнусобод тумани ИИО ФМБда ўтказилган брифингда Юнусобод тумани ҳокимлиги васийлик ва ҳомийлик органи мутахассиси Мухлиса Қосимова таъкидлаб ўтди, дея хабар бермоқда «Дарё» мухбири Миролим Исажонов.
Мухлиса Қосимованинг таъкидлашича, М.О. иштирокидаги ҳар бир видео, бола билан боғлиқ ҳолат Юнусобод тумани ҳокимлиги васийлик ва ҳомийлик органи томонидан ўрганилган. Қосимова хоним «болани нега реабилитация марказига жойлаштирмадинглар ёки олиб қўймадинглар?», деган саволлар кўп тушаётганини таъкидлаб, бола қандай ҳолатларда онасидан олиб қўйилиши мумкинлигини эслатиб ўтди:- агарда болага ўша хонадонда шароит яратилмаган бўлса;
- болага ота-она томонидан тан жароҳати етказиладиган бўлса;
- ота-она боланинг соғлиғига, камолотига, ривожланишига эътибор бермаётган бўлса;
- она ахлоқсиз ҳаёт тарзини кечирадиган бўлса;
- яшаш шароити мавжуд бўлмаган тақдирда.
Оила кодексининг 73- ва 75-моддаларига биноан, ота-она боланинг соғлиғига, таълим-тарбиясига аҳамият бериши керак. Агар актриса Мадина Мухторова вояга етмаган фарзандини ёлғиз, катта фарзанди билан ташлаб қўйган бўлса, чиндан бола тарбияси билан шуғулланмаган бўлса, Оила кодексининг 75-моддасига асосан, бунинг учун қонун олдида жавоб беради.Айни вақтда, Мухлиса Қосимова вазият юзасидан шошилинч хулосалар чиқармасликка, олиб борилаётган текширув ишлари хулосаларини кутишга чақирди.Барча хатти-ҳаракатлар исботланганидан кейин, биз туман прокуратураси билан ҳамкорликда фуқаролик ишлари бўйича судга Мадина Мухторовани оналик ҳуқуқидан махрум қилишга даъво аризаси киритамиз. Кейинчалик болани муқобил жойлаштириш чораларини кўрамиз.
Яъни, агар болани яқин қариндошлари ўз васийлигига оладиган бўлса, у оила тарбиясида тарбияланиши учун қариндошларига васийликка берамиз. Мабодо қариндошлари орасида хоҳиш билдирадиган шахслар бўлмаса, унда биз болани Меҳрибонлик уйига жойлаштиришга мажбур бўламиз.
Мухлиса Қосимова, Юнусобод тумани ҳокимлиги васийлик ва ҳомийлик органи мутахассиси
Бола онаси билан бирга тушган видеороликда бахтли жараёнларни кўрсатаётганини ҳам эътиборга олиш керак. Ундан психолог иштирокида тушунтириш хати олинган, у онаси билан яшаш истагини билдирган. Агар Мадина Мухторова болага барча шароитларни яратиб, тарбияси билан шуғулланадиган бўлса, фарзандни онадан тортиб олиш мақсадга мувофиқ эмас.Мактаб маъмурияти билан ҳам гаплашдик. Боладан акаси ва келинойисидан ташқари, 2019 йил декабрь ойи охирларида онанинг ўзи ҳам мактабга бориб, ўғлининг баҳолари, хулқидан хабар олиб турган. Шу боис, олдиндан турли хулосалар чиқармайлик. Ҳозир Айтилаётган ҳар қандай фикр боланинг руҳиятига ҳам таъсир кўрсатади.
Мухлиса Қосимова, Юнусобод тумани ҳокимлиги васийлик ва ҳомийлик органи мутахассиси
Изоҳ (0)